Սննդային նախապատվություններն ու բնավորությունը

«Հակումները որոշակի ֆիզիոլոգիական հիմք ունեն, որոնք օգնում են հասկանալու, թե ինչ մարդ եք իրականում»,- ասում է ԱՄՆ-ի Համի ու հոտառության խանգարումների հետազոտական ֆոնդի ղեկավար, դոկտոր Ալան Ռ. Հիրշը:

Սննդային հակումների հարցով 25 տարվա նրա ուսումնասիրություններին մասնակցել է ավելի քան 18 հազար մարդ:

Զգայարանները սքանավորում են անձնականը` Դոկտոր Հիրշի քառորդ դար տևած ուսումնասիրությունների հանրագումարը

Եթե երազում եք աղի մթերքի մասին, ապա, ամենայն հավանականությամբ, ձեր օրգանիզմում որոշ հանքանյութերի ու միկրոտարրերի անբավարարություն կա: Մի շարք գիտական աշխատանքներ ցույց են տվել, որ կալիումի, կալցիումի ու երկաթի անբավարարություն ունեցող կենդանիները մեծ քանակությամբ աղ են ուտում:

Ձեր բնավորության մասին նման հակումը կարող է ասել, որ հոսանքի ուղղությամբ եք ընթանում: Հիրշի համոզմամբ` նման մարդիկ կարծում են, որ իրենց ճակատագիրն ուղղորդում են ոչ թե սեփական ձգտումները, այլ արտաքին ուժերը:

Եթե առանց շոկոլադի չեք դիմանում

Եթե շոկոլադի մասին եք մտածում, և շոկոլադի բույրն էլ գրգռիչ է ձեզ համար, ապա մասնագետներն ասում են, որ նման վիճակ է առաջանում արյան մեջ սերոտոնինի արտանետման հետևանքով: Շոկոլադը հզոր հակադեպրեսանտ է համարվում, որի կարիքն ունի ձեր մարմինը: Երբ հաճույքի հորմոնների քանակն անբավարար է, պետք է արագ այն վերականգնել: Այդ առումով շոկոլադը լավագույն միջոցն է համարվում:

Շոկոլադի պահանջ ունեցողների բնավորությունը կապված է շոկոլադի տեսակից. եթե նախընտրում եք մուգ շոկոլադը, նշանակում է ձեր կյանքն անվերջ տոն է, դուք թեթև եք ապրում ու իրադարձությունների կիզակետում եք ամենուր` թե՛ տանը, թե՛ աշխատավայրում: Եթե նախընտրում եք կաթնայինը, ապա հանգիստ եք, խորասուզված ներքին ապրումների մեջ, ու ձեզ համար լավագույնը հանգստյան օրն է` լավ գրքի հետ միայնության մեջ:

Համեմված սնունդը խթանում է նյութափոխանակությունը, տաքացնում օրգանիզմը: Որոշ գիտնականներ ենթադրում են, որ համեմունքների նկատմամբ հակումն անկայուն զարկերակային ճնշման, հաճախական շնչառության հետևանքով է առաջանում:

Այս հակումը խոսում է կարգուկանոնի պահանջի մասին, դուք չեք սիրում իզուր վատնել ժամանակն ու երբեք չեք մանրանում:

Եթե կոնֆետի կարիք ունեք

Նման հակումը նման է շոկոլադի նկատմամբ ունեցած պահանջին: Դուք կոնֆետ եք ուզում, երբ ցանկանում եք բարձրացնել տրամադրությունը կամ լրացնել էներգիայի պակասը: Ինչի՞ մասին է դա հուշում:

Հիրշն ասում է, որ քացրակերներն մյուսներից ավելի շատ են հետևում բնազդին: Նա նկարագրում է քաղցրակերներին որպես աշխույժ, զվարթ մարդիկ, ովքեր երբեք չեն ափսոսում արածի համար: Սիրում են տարբերվել ու իրենց առանձնահատուկ զգալ:

Եթե սիրում եք թե՛ կոնֆետ և թե՛ աղի մթերք

Նշանակում է, որ ձեր նյութափոխանակությունն է թուլացել, որը ցանկանում եք խթանել գլյուկոզայի ու նատրիումի համադրությամբ:

Նման սննդի սիրահարները միայնակ մարդիկ են, ովքեր հաճախ շատ տաղանդավոր են: Հիրշի տվյալներով` նրանք արտաքուստ զուսպ են, սակայն գործի մեջ` շատ ստեղծագործ:

Հարցեր, պատասխաններ, մեկնաբանություններ